Soltüstık Казахстан
Петропавл қаласында грек-рим күресінен белгілі бапкер, Қазақ КСР-нің еңбек сіңірген жаттықтырушысы Беспай Қайыповтың 70 жасқа толуына орай жасөспірімдер арасында облыстық ашық турнир өтті. Оған еліміздің жеті облысынан, Петропавл қаласынан, өңір аудандарынан және Ресей Федерациясының Қорған облысынан 150 балуан қатысты.
Жарыстың салтанатты ашылуында облыстық дене шынықтыру және спорт басқармасы басшысының орынбасары Асылбек Әлдименов қуаныш иесін құттықтап, өңіріміздегі грек-рим күресімен шұғылданатын жерлес балуандардың қол жеткізген жетістіктеріне тоқталды.
Екі күнге созылған турнирдің қорытындысы бойынша 2007-2008 жылы туғандар арасында Николай Храменков (27 кг., “Жеңіс” мектебі), Ерасыл Мусан (30 кг., Кентау қ.), Илья Макаров (33 кг., Ресей, Петухово қ.), Рауан Бекімов (35 кг, “Күрес” мектебі), Владислав Бабаев (36 кг., “Жеңіс” мектебі), Нариман Бекімов (38 кг., “Күрес” мектебі), Владислав Малыгин (39 кг., Ресей, Қорған қ.), Данил Елизаров (41 кг., Атбасар қ.) пен Мәрлен Сартаев (73 кг. “Жеңіс” мектебі) жеңімпаз атанды.
2003-2004 жылы туған балуандар арасында Хамид Набиев, Ислам Евлоев, Раис Дмитриев, Арлан Зейнолла, Есімхан Әшкенов пен Эмин Гулиев өз салмақ дәрежелерінде жеңістің бірінші сатысына көтерілді.
Дулат ҚОЖАХМЕТОВ, “Soltústіk Qazaqstan.
Суретті түсірген Талған ТӘНІБАЕВ.