Soltüstık Казахстан
Jergilikti tártip saqshylary aıazdy kúnderi jolda qalǵan eki avtobýstyń jolaýshylaryna kómek kórsetti. Túrkistan oblysynan Reseıdiń Ekaterınbýrg qalasyna baǵyt alǵan “VAN HOOL” jolaýshylar avtobýsy Petropavldaǵy Jumysshy kentine jaqyn jerde synyp qaldy. Onda Tájikstan jáne О́zbekstan elderiniń elýden astam azamaty bolǵan. Jol polıseıleri avtobýs júrgizýshisine tehnıkalyq qyzmet kórsetetin mamandy tabýǵa jáne qosalqy bólshekterdi satyp alýǵa kómektesti. Jolaýshylar jóndeý jumystarynyń aıaqtalýyn jyly jerde kútti. Kúndiz jáne túnde avtobýsty úsh kólik patrýli aýysymmen kúzetip otyrǵan.
Kelesi túni 15 jolaýshysy bar “Scania” avtobýsynyń janarmaı berý júıesi isten shyqty. Jolaýshylardyń segizi – kámelettik jasqa tolmaǵandar. Aqqaıyń jáne Taıynsha aýdandyq patrýldik polısııa batalonynyń kólik patrýlderi táýlik boıy kezekshilik uıymdastyrdy. Kólik jóndelgenge deıin jolaýshylar jergilikti qonaqúıge ornalastyryldy.
Nurbek BAEKIN, oblystyq polısııa departamenti baspasóz qyzmetiniń bas mamany.