Солтүстікқазақстандық велоспортшы, “Астана” велоклубының өкілі Алексей Луценко “Оман туры” көпкүндігінде екінші жыл қатарынан жеңімпаз атанды.
Оман сұлтанатында өткен додаға әлемнің түкпір-түкпірінен 124 спортшы сайысқа түсті. Жерлес велошабандоз алты кезеңдік жарыстың үшеуінде қарсыластарын шаң қаптырып, жалпы есепте көш бастады. Оның нәтижесі – 21:45:51. Екінші және үшінші орындарды италиялық Доменико Поццовиво («Bahrain Merida») мен испаниялық Хесус Эррада («Cofidis») иеленді.