1 наурыз – Алғыс айту күні Петропавл қаласының зейнеткерлері қоғамдық көліктерде тегін жүретін болады.
Петропавл қаласының әкімдігі мен жолаушы тасымалы қауымдастығының ынтымақтастығы аясында мереке күні шаһардың барлық зейнеткерлеріне осындай сый жасалмақ.
Қала әкімдігінің ішкі саясат бөлімінің хабарлауынша, бұл күні Ұлы Отан соғысы ардагерлерімен, жалғыз тұратын зейнеткерлермен және мүмкіндігі шектеулі жандармен қайырымдылық кездесулері ұйымдастырылады. Қазақстан халқы облыстық ассамблеясының бастамасымен өңір көлемінде “Шашу” қайырымдылық акциясы өтіп, мұқтаж жандарға жан-жақты көмек көрсетіледі.