Soltüstık Казахстан
Kyzylzhar_akparat@mail.ru
Ертең Оқушылар сарайында Думан Күдеров атындағы “Сарқылмас бұлақ” атты аймақтық күйшілер байқауы өтеді.
Жастар шығармашылығын насихаттау мақсатында облыстық халық шығармашылығы және мәдени-демалыс орталығының ұйымдастыруымен өтетін додаға біздің өңірмен қатар Ақмола, Қарағанды, Қостанай облыстарының 90-ға жуық өнерпазы қатысады. Қазылар алқасы үміткерлердің өнерін олардың жас ерекшеліктеріне қарай үш топқа бөліп, бағалайды. 11-14 жас аралығында өнер көрсететіндердің бірі – “Күдер” ансамблінің мүшесі Расул Өмірзақ. Жерлесіміз бұған дейін халықаралық, республикалық конкурстарда жүлделі орындардан көрінген.
Думан Күдеровтың анасы Тойкен Қабиқызының айтуынша, додаға қатысуға тілек білдірушілер қатары жыл сайын арта түсуде.