Петропавлда теннистен жасөспірімдер арасында «Petropavlovsk ITF Juniors Championships» атты төртінші дәрежедегі халықаралық турнир басталды.
Байрақты бәсекенің Теннис орталығында өткен ашылу салтанатына облыс әкімінің орынбасары Мадияр Қожахмет қатысты. Алғаш рет жалауы желбіреген дүбірлі додада елімізбен қатар Ресей және Өзбекстаннан 18 жасқа дейінгі жүзге жуық өрен бақ сынайды. Турнир 2 наурызға дейін созылады.