Бүгін Астана уақытымен сағат 11-де Мемлекет басшысы Нұрсұлтан Назарбаевтың қатысуымен «Нұр Отан» партиясының кезекті XVIII съезі басталады.
Съезд «Нұр Отан» партиясының 20 жылдығына орай ұйымдастырылып отыр. Онда партияның 2030 жылға дейінгі жаңа бағдарламасын талқылау, партия Жарғысына өзгертулер мен толықтырулар енгізу, партиялық органдардың есебін тыңдау және Саяси кеңестің құрамын жаңарту жоспарланған. «Cъездің партиямыздың 20 жылдығы аясындағы басты іс-шара боларына және алдағы жылдардағы мақсат-міндеттерді анықтап, біздің саяси ұйымның одан әрі жаңғыруына тың серпін беретініне сеніміміз мол»,- дейді «Нұр Отан» партиясы Төрағасының бірінші орынбасары Мәулен Әшімбаев.
https://www.inform.kz/kz/bugin-astanada-nur-otan-partiyasynyn-xviii-s-ezi-otedi_a3502268