Soltüstık Казахстан
Елордадағы Тәуелсіздік сарайында Елбасы Нұрсұлтан Назарбаевтың төрағалығымен “Нұр Отан” партиясының кезекті XVIII съезі жұмысын бастады.
Съезде «Нұр Отан» партиясының 2030 жылға дейінгі бағдарламасы туралы мәселе қаралады. Одан кейін партияның Жарғысына өзгерістер мен толықтырулар қарастырылып, партия Саяси кеңесінің жəне Орталық бақылау-тексеру комиссиясының есепті кезең бойынша жұмысының қорытындылары шығарылады. Сонымен қатар партия Саяси кеңесінің жəне Орталық бақылау-тексеру комиссиясының мүшелері сайланатын болады. Съезд жұмысына 2 мыңға жуық адам қатысуда. Олардың 1200-і еліміздің барлық өңірлерінен келген делегаттар, ал қалған 800-ге жуығы – қонақтар.
Таяуда Қазақстан Республикасының Президенті Нұрсұлтан Назарбаев «Нұр Отан» партиясының жақында өтетін съезінде әлеуметтік қолдауды күшейтуге және азаматтардың тұрмыс сапасын арттыруға арналған бірқатар шаралар ұсынатындығын айтқан болатын. Оған бюджеттен және Ұлттық қордан қомақты қаржы бөлінбек. Аталған қаражат аз қамтылған азаматтарға әлеуметтік қолдау көрсету ісін күшейтуге, халықтың әлеуметтік тұрғыдан әлсіз топтарының баспана жағдайын жақсарту мүмкіндіктерін арттыруға, өңірлерді дамыту саясатын түбегейлі өзгертуге жұмсалады.
https://www.inform.kz/kz/nursultan-nazarbaevtyn-toragalygymen-nur-otan-s-ezi-bastaldy_a3502421