Soltüstık Казахстан
Маған Астанада өткен «Nur Otan» партиясының 20 жылдығына арналған XVIII съезіне қатысу бақыты бұйырды. Барлығын өз көзіммен көріп қайттым. Үлкен әсер алдым. Елім үшін, Елбасы үшін қатты қуандым. Расында да, Тәуелсіздік алғалы осы күнге дейін қаншама игілікті істер атқарылды. Бүгінгі таңда біз бейбіт әрі тыныш заманда өмір сүріп жатырмыз. Соның барлығы кемеңгер Ұлт көшбасының сындарлы саясатының арқасында. Оның барлығы тарих. Кешегі өткен маңызды жиында да Президентіміз келелді мәселелерді көтерді. Басым бөлігі әрине, халықтың әлеуметтік жағдайына бағытталды. Сол себепті бүтін ел болып Елбасымыздың бастамаларына қолдау білдіріп, бір адамдай жүзеге асырса, біздің болашағымыз жарқын болатынына мен кәміл сенемін.
Елбасы ретінде Нұрсұлтан Әбішұлы Назарбаевтың жұмысы өте ауыр екенін біреу түсінсе, біреу түсінбейді. Өз басым өмірге алты бала әкелген анамын. Әр баланы туған сайын, оның тәрбиесі, білімі, денсаулығы жалпы болашағы үшін жауапкершілікті арқалайсың. Алты баламның алтауын да ерекше жақсы көремін, бақытты болулары үшін жанымды берерім анық. Ал Елбасымыз болса Қазақстандай байтақ елге, он сегіз миллионнан астам халыққа қамқоршы болып отыр.
Кешегі өткен съезде Президентіміз Нұрсұлтан Назарбаев әр балаға төлемақыны 21 мың теңгеге көтеру керек деп айтты. Көп балалы ана ретінде осы шешімі үшін қатты қуандым. Бұл біз үшін үлкен көмек болар еді. Осындай қолдау білдіру арқылы елдегі демография да көтеріледі деп ойлаймын. Тек әрбір көпбалалы ана бөлінген қаражатты «ақылмен» баланың игілігі үшін ғана жұмсаса екен деп тілеймін.
Сәуле ОМАРОВА, көпбалалы ана.