Үстіміздегі жылдың 1 қыркүйегінен бастап 10-сынып оқушылары мектеп қабырғасында кәсіпкерлік негіздерін оқитын болады. Бұл туралы Елордада өткен “Инновациялық экономика үшін кәсіпкерлік білім” атты ІІІ халықаралық форум барысында Білім және ғылым вице-министрі Фатима Жақыпова хабарлады.
Солтүстікқазақстандық құтқарушылар көлігі сынып қалған венгриялық саяхатшы Янош Гаражскиге қол ұшын созды. Будапешт қаласының тұрғыны мотоциклін тізгіндеп Ресейдің Магадан қаласына жол тартқан. Алайда, Еуразия құрлығының мыңдаған шақырымын басып өткен жиһанкездің “темір тұлпары” Тайынша ауданының Чкалово ауылы маңындағы “Көкшетау – Омбы” автожолында кетіп бара жатқан кезде істен шығады.
Бүгін түс әлетінде Петропавл қаласының маңайындағы «Ракета» саяжай кооперативінде өрт шықты. Онда қоқыс шөп отқа оранды. Оқиға орнына қалалық №2 және №3 арнайы өрт сөндіру бөлімдерінің қызметкерлері шақыру бойынша жетіп, дереу өртті сөндіруге кірісті. Секундына 21 метр жылдамдықпен соққан желдің салдарынан, қызыл жалынмен күрес оңайға түскен жоқ. Қазір оқиға орнында 13 техника жұмыс істеп жатыр. …
Елімізде дәрігердің нұсқауы бойынша берілетін дәрілік заттарды рұқсатсыз сатуға шектеу қойылған. Өйткені олардың кейбірі азаматтардың денсаулығы мен өміріне қауіп төндіруі ықтимал. Қазақстанда 7792 дәрі-дәрмек бар. Соның 6033-і дәрігердің нұсқауы бойынша беріледі. Бұл туралы орталық коммуникациялар қызметінің өңірлік филиалында өткен баспасөз мәслихатында айтылды.
Облыстық тарихи-өлкетану мұражайында “Мерейлі отбасы” ұлттық конкурсының қалалық кезеңінің жеңімпаздарымарапатталды. Қалалық кезең нәтижесі бойынша белсенді өмірлік ұстанымымен, адал еңбегімен және үлгілі тәртібімен көзге түскен бес отбасы марапатқа ие болды.
Солтүстік Қазақстан облысында “Қаңғыбас” жедел-алдын алу шарасы өтуде. Бұл жұмыстың басты міндеті – осы санаттағы адамдарға қатысты қылмыстар мен құқық бұзушылықтардың алдын алу, олардың жүрген жерлерін, айналысатын ісін тексеру.
Бүгінде өңірде глаукома, миопия, катаракта сияқты көз ауруларына шалдыққан 7 мың науқас есепте тұрса, оның 2,5 мыңға жуығы – жасөспірімдер мен балалар. Бұған дейін шетелге немесе басқа өңірлерге барып жүрген солтүстікқазақстандықтар енді Петропавлда еуропалық деңгейде жұмыс істейтін жоғары мамандандырылған офтальмологиялық диагностикалық кешенде ем-дом шараларын алу мүмкіндігіне ие.
Петропавлда футболдан “Qyzyljar”әйелдер командасы құрылды. Ол футболдан Қазақстан Республикасының чемпионатына қатысатын болады. Жаңадан жасақталған команда қазір өзінің алғашқы ресми ойынына қызу дайындық үстінде. Жерлестеріміздің қарсыласы – Ақтөбе балалар мен жасөспірімдер спорт мектебі. Матч 31 мамыр күні Петропавлдағы «Қарасай» стадионында өтеді. Басталуы сағат 11.00-де.
Петропавл қалалық сотында өткен жылдың қараша айында пауэрлифтингтен Азия чемпионы 23 жасар Виктория Шестопалованы соғып кеткен қоғамдық көлік жүргізушісіне қатысты қылмыстық іс қаралды.
Мемлекеттік қызмет істері және сыбайлас жемқорлыққа қарсы іс-қимыл агенттігі облыстық департаментінің қызметкерлері қалалық жұмыспен қамтуды үйлестіру және әлеуметтік бағдарламалар бөлімінің бос орындар жәрмеңкесіне қатысты. Оған денсаулық сақтау, білім беру, құрылыс және жеке сектор саласындағы 25 ұйым қатысып, 400-ден астам бос жұмыс орнын ұсынды.
