Soltüstık Казахстан
Облыстық жастар саясаты мәселелері жөніндегі басқарма және “Жас Отан” жастар қанатының өңірлік филиалының мемлекеттік тапсырысы аясында қаламыздағы “ЕС-164/6″ республикалық мемлекеттік мекемесінде ”Иландыру және әсер етудің психологиясы” деген тақырыпта жазасын өтеушілерімен кездесу өтті.
Оған облыстық мәслихаттың депутаты, “Qyzyljar – adaldyq Alan’y” жобалық кеңсесінің жетекшісі Екатерина Старостина, Ғабит Мүсірепов атындағы балалар-жасөспірімдер кітапханасындағы өнер бөлімінің басшысы Анар Құсанова мен осы жастар ұйымы төрағасының орынбасары Айдархан Қайруллин қатысты.
Бұл шараның басты мақсаты – өмірде шалыс қадам басып, темір тордың арғы жағында жазасын өтеп жүрген адамдарды бейімдеу және олардың әлеуметтік белсенділігін арттыру. Кездесу барысында Анар Құсанова мен Екатерина Старостина мемлекеттік мекеме және жастар ұйымы ұйымдастырып отырған жобаның жаттықтырушылары ретінде қатысқанын айта кету қажет. Олар түзету мекемесінің жазасын өтеушілеріне өмірлік маңызды құндылықтар туралы айтып берді.
Мұндай шаралар жыл соңына дейін өтетін болады.