Soltüstık Казахстан
Нұр-Сұлтан қаласындағы «Астана Аренада» өтетін Еуропа лигасының топтық кезеңіндегі “Астана” футбол клубы кездесулерінің билет бағасы жарияланды.
Клубтың ресми сайтының хабарлауынша, билеттер құны екі санатқа бөлінген. Бірінші санаттағы “Манчестер Юнайтед”-ке қарсы өтетін ойынның билет құны орын санатына байланысты 4 – 55 000 теңге аралығында болмақ. Ал екінші санаттағы “АЗ Алкмар” мен “Партизанға” қарсы ойындар билетінің құны 1500-12000 теңге аралығында. Бұл ойындардың билеті кездесу басталуына аз уақыт қалғанда сатылымға шығады.
Сондай-ақ үш ойынға бір билет, яғни абонемент сатып алуға да болады. Бірінші санаттағы абонемент бағасы – 65 мың, екінші санат – 50 мың, үшінші санат – 30 мың, төртінші санат – 20 мың және бесінші санат – 13 мың теңге.
Елорда командасы 3 қазанда “Партизан”, 7 қарашада “АЗ Алкмар” және 28 қарашада “Манчестер Юнайтед” клубын өз алаңында қабылдайды.
Сурет http://cenznet.com сайтынан алынды.