Soltüstık Казахстан
19 қаңтарда коронавирус инфекциясының таралу деңгейі жағынан Солтүстік Қазақстан облысы «қызыл» аймаққа кірді.
«Денсаулық сақтау министрлігі елдегі эпидемиялық ахуалға күн сайын талдау жүргізіп отыр. Жыл басталғалы «сары» аймақтан «қызыл» аймаққа үш өңір, Қостанай, Павлодар облыстары мен Нұр-Сұлтан қаласы өтті. «Жасыл» аймақтан «сары» аймаққа Алматы мен Қарағанды облыстары өтті. Осылайша, 19 қаңтардағы жағдай бойынша «қызыл» аймақта 6 өңір тұр. Олар: Ақмола, Павлодар, Атырау, Қостанай, Солтүстік Қазақстан облыстары мен Нұр-Сұлтан қаласы. «Сары» аймақта үш өңір бар: БҚО, Алматы мен Қарағанды облыстары. Қалған 8 өңір «жасыл» аймақта», деді Денсаулық сақтау министрі Алексей Цой Үкімет отырысында.
Еске сала кетсек кеше, яғни 18 қаңтарда Қазақстанның 4 облысы мен 1 қаласы, атап айтқанда, Ақмола, Қостанай, Павлодар, Атырау облысы мен Нұр-Сұлтан қаласы «қызыл» аймақта болған еді.
https://egemen.kz