Soltüstık Казахстан
Janashyr jasotandyqtar qarıalarǵa jaqsylyq jasaýdy jalǵastyrýda. Bul joly elgezek jigitter zeınetker Ótemis Arǵynovtyń shańyraǵynda bolyp, úı sharýasyn tyndyrýǵa qolǵabys etti. Olar qarıanyń aýlasyn qardan tazartyp qana qoımaı, sýyn tasyp, kómirin kirgizip berdi.
– Biz soǵys, eńbek ardagerlerin udaıy nazarda ustaımyz. Olardyń ár ótinishin oryndap, alǵysyna bólenip júrmiz. Jastar aýladaǵy aq ulpany tazalaǵan soń alystan bir flága sý, azyq-túlik, dári-dármegin ákelip beredi. Keıde úılerine jeńil-jelpi jóndeý jumystaryn da júrgizemiz, – deıdi “Jas Otan” jastar qanatynyń óńirimizdegi fılıalynyń tóraǵasy Birjan Qudaıbergenov.
Bas partıanyń “Ardagerlerdi ardaqtaıyq!” jobasy aıasynda júzege asyrylatyn osyndaı ıgi sharalardyń arqasynda jyl basynan beri oblys ortalyǵynda turatyn ondaǵan qartqa kómek kórsetilgen.
Nurjan SEIİLBEKOV,
“Soltústik Qazaqstan”.