Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған “Еңбек” бағдарламасы арқылы ел ішінде кәсіпкерлікке кең өріс ашылуда. Шағын және орта бизнестің дамуына мүмкіндік беретін жоба бойынша несие алғандардың бірі – жас кәсіпкер Нұрбек Смағұлов. Қызылжар ауданындағы Пеньково ауылының тұрғыны ағаш өңдеу цехын ашып, құрылыс материалдарын жасауды қолға алған.
Мемлекет басшысы Қасым-Жомарт Тоқаев “Жаңа жағдайдағы Қазақстан: іс-қимыл кезеңі” Жолдауында белгілеп берген негізгі міндеттерді орындау басым бағыт болып қала береді. Бүкіләлемдік пандемия тудырған аса күрделі кезеңде бәсекеге қабілеттілігімізді айқындайтын артықшылығымызға және нақты резервтерге сүйенетін сын сәт туды. Бұл орайда ауыл шаруашылығы мақсатындағы жерлерді тиімді пайдаланудың, иесіз қалғандарын толық айналымға енгізудің, осылайша өнімділікті арттырудың жолдарын қарастыра отырып, …
Қызылжар ауданында тұратын оқырманымыз Мұрат Құсайыновтың қандай жағдайларда ауысу тәртібімен басқа мемлекеттік қызметке орналасуға болады деген сауалын мемлекеттік қызмет істері департаментіне жолдаған болатынбыз. Аталмыш департаменттің мемлекеттік қызмет басқармасының басшысы Данияр Басығариннен төмендегідей жауап алдық:
Бюджет қаржысының тиімсіз жұмсалуы үйреншікті құбылысқа айналғандай. Мәселен, республикалық Есеп комитетінің ақпараты бойынша, діттеген мақсатына жетпеген жобаларға 2020 жылы 74 млрд. теңге беріліпті. Әсіресе, ауыл тұрғындарын сапалы ауызсумен қамтамасыз етуде кемшілік көп.
М.Қозыбаев атындағы Солтүстік Қазақстан университетінің “Sanaly ūrpaq” жобалық кеңсесі белсенді студенттер арасында шығармашылық сайыс өткізді. Оның барысында сыбайлас жемқорлықтың алдыну алу мәселесі көтерілді.
Ұясынан күлімдеп шыққан күннің сәулесі ұйқыдан оянған далаға жан бітіріп, жайната түсті. Жеңіл жел жас бұта-талдардың сабағын тербейді. Шексіз көгілдір аспан осы табиғи сұлулықты қорғауға тырысқандай – дала мен ормандардың үстіне күмбездей төңкерілген. Бұл – самаладай нұрға шомған менің Отаным – Қазақстан.
Өңірімізде “Ыстық жүрек” акциясы басталды. Қайырымдылық шарасының барысында белсенділер таңнан кешке дейін шаһар көшелерін қардан тазартып жүрген коммуналдық қызметтер жұмысшыларына тіскебасар таратуда.
Халқымыз ежелден табиғаттың бір бөлшегі – итті жеті қазынаның бірі санайды. Тіпті, “Бөрінің тәңірі болса, иттің иесі бар”, “Итті тепкенің – ырысты тепкенің” деп, жыл атауына да енгізген. Алайда, иесі үшін төртаяқтының бәрі бірдей қадірлі емес. Бүгіндері иесіз қалып, көше қаңғыған бұралқы иттер көбейді. Сұғанақ салпаң құлақтарды ветеринар мамандар аулап, көзін жоюда. Ал кейбірін волонтерлер …
Қоқиқаз – дене бітімі ерекше, тұмсығы имек, сирек кездесетін құс. Қорғалжын қорығындағы Теңіз көлінде ғана ұялап, жұмыртқалайды. Қораздары мекиендерінен ірілеу. Бойының биіктігі – 91-120 сантиметрдей.
Омбы қарда орғып ойнаған елікті көрген де арманда, көрмеген де арманда! Қандай ерке, неткен сұлу! Шаңырақ мүйіз маралдардың тәкаппар жүріс-тұрысы, тіпті, тамаша! Шалт қимылдасаң, жалт бұрылып тым-тырақай қаша жөнеледі. Түз тағысы болған соң үрікпей қайтсін?! Алайда, қолдарында шелегі бар қорықшыларға бауыр басқан сыңайлы. Жапа-тармағай келіп, арпаға бас салады. Осынау көріністі сырттай бақылаудың өзі адамның табиғатқа …
Қазақстан Республикасының Қаржы нарығын реттеу және дамыту агенттігінің 2021 жылғы 11 ақпандағы №22 қаулысына сәйкес “AsiaCredit Bank” АҚ-ның банк және өзге де операциялар мен бағалы қағаздар нарығында қызметті жүргізуге берген лицензиясынан айыру туралы шешім қабылданды.
Бүгінгі таңда елімізде 107 балалар үйі бар болса, онда 5 мыңнан астам жеткіншек тәрбиеленуде. Жыл сайын, шамамен, 200-250 баланы асырап алады екен. “Неке және отбасы” туралы кодекске енгізілген өзгертулерге сәйкес бұдан былай бала асырап алушылар, ең алдымен, ата-аналар мектебінде оқып, сертификат алуы тиіс.
Облыстық көпбейінді аурухана тағы бір жаңа медициналық қондырғымен толықты. Францияда шығарылған осызаманғы «Platinum dRF» рентгендік-диагностикалық кешені ауруларды ерте кезінен анықтауға мүмкіндік береді.
Белгілі өнертанушы, дәстүрлі әнші Ерлан Төлеутайдың «Үкілі Ыбырай» атты кітабы жарық көрді. Автор бұл кітабында өз өңірімізден шыққан сазгер, суырыпсалма ақын Үкілі Ыбырайдың өнегелі өмірі мен тағылымды өнер жолы жайында егжей-тегжейлі баяндайды. Сондай-ақ, көпке танымал «Гәкку», «Шалқыма» және «Желдірме» сынды әндерін дүниеге әкелген өнерпаздың өзге де туындыларының шығу тарихына кеңінен тоқталады.
Қызылжар ауданының мемлекеттік санитарлық дәрігерінің қаулысымен Соколовка ауылы аумағына шектеу шаралары енгізілді. Коронавирустық инфекцияның таралуына жол бермеу мақсатында 15 ақпаннан бастап бұл елді мекен тұрғындарына той-томалаққа жиналуға, қоғамдық орындарға баруға тыйым салынды. Сондай-ақ, ауылдықтарға, әсіресе, 65 жастан асқан азаматтарға 22.00-ден 6.00 сағатқа дейінгі аралықта үйден шығуға рұқсат жоқ. Бас санитарлық дәрігердің қаулысында тәртіпке бағынбайтындардың …
Көктемгі су тасқынының алдын алу және салдарын жою бойынша облыстық комиссияның отырысы өтті. Өңір басшысының орынбасары Иван Турков төрағалық еткен жиынға Петропавл қаласы мен аудандардың әкімдері, облыстық азаматтық қорғау қызметтерінің бастықтары және мемлекеттік органдар мен тіршілікті қамтамасыз ету нысандарының басшылары қатысты.
Петропавлдағы Спорт сарайында волейболдан Ұлттық лига ойындарының 4-туры өтуде. Солтүстікқазақстандық «Қуаныш» клубы үш кездесу өткізіп, екеуінде жеңіске жетті.
Солтүстікқазақстандық паралимпиадашылар халықаралық сайыстарда сәтті өнер көрсетуде. Жерлестеріміздің қоржынында 1 күміс және 1 қола медаль бар.
Шайбалы хоккейден «Pro hokei ligasy» турниры аясында «Qulager» клубы өз алаңында павлодарлық «Ertis» командасын қабылдап, екі кездесуде де қарсыласын ойсырата ұтты.
Айыртау аудандық полиция бөлімінің қызметкерлері Саумалкөл ауылы тұрғынының гаражынан бес литрлік 125 бөтелкеге құйылып, сатуға дайындап қойған спирт өнімін тәркіледі. Ешқайда жұмыс істемейтін 41 жастағы азамат спиртті жасырын сатып келген. Тиісті лицензиясыз саудаланған спирт тәркіленіп, сараптамаға жіберілді. Кәсіпкерлікпен заңсыз айналысқаны үшін аудан тұрғынына қатысты әкімшілік материал жинастырылды, енді ол сот алдында жауап береді.
