Soltüstık Казахстан
Kyzylzhar_akparat@mail.ru
Ғ.Мүсірепов атындағы облыстық балалар мен жасөспірімдер кітапханасында өткен көрмеде оны тамашалаушыларға кішкентай оқырмандардың шығармалар желісі бойынша қолдан жасаған бұйымдары мен жұмыстары ұсынылды.
Ой-қиялдағы көркем бейнелерді, ғажайып көріністерді қағазға түсіру үшін балалар түрлі бояу құралдарын пайдаланған. Қарындаш, пластилин мен түрлі-түсті қағаздардан жасалған шығармашылық жұмыстардан кішкентай оқырмандардың қарым-қабілетін аңғаруға болады. Қашықтан ұйымдастырылған көрме барысында қатысушылар түрлі қызықты кітаптармен таныса алды. Кітапхана қызметкерлері бұл кітаптар балалардың ой-өрісін дамытып, шығармашылық қабілеті мен оқуға деген ынтасын арттыратынына сенімді.