Soltüstık Казахстан
Әйелдер арасында сынға түсіп жүрген «Қуаныш» клубы өз тарихында тұңғыш рет Ұлттық Лиганың қола медалін жеңіп алды. Осыған орай облыс әкімі Құмар Ақсақалов «Instagram» әлеуметтік желісіндегі жеке парақшасында спортшыларды құттықтады.
– Бүгін үшінші орын үшін күресте солтүстікқазақстандық волейболшылар Алматы қаласының командасынан басым түсті. Біздің команданың тірегі – Солтүстік Қазақстанның спортшылары. Клубтың резервтік құрамы толығымен жергілікті спортшылардан тұрады. Қола медаль – Солтүстік Қазақстан волейболын дамыту бойынша жүйелі жұмыстың оң нәтижесі, біздің жаттықтырушылар мен ойыншылардың еңбегі. Мен барлығын жеңіспен құттықтаймын және келер жылы қыздарымыздың бұдан да биікке көтерілуін тілеймін, – деп жазды Құмар Іргебайұлы.
«Қуаныш» волейбол клубы аудандардағы бапкерлермен қоян-қолтық жұмыс істейді. Спорт мектебіне үміт күттіретін балаларды үнемі іріктеп отырады. Сондай-ақ, клуб үш жас санатындағы болашақ волейболшыларды дайындайды. Жалпы, әйелдер волейболы облыстағы 12 спорт мектебінде жүргізіледі.