“Mağjan”-ның жаңа саны

Soltüstık Казахстан

 Kyzylzhar_akparat@mail.ru

Журналдың үстіміздегі жылғы алғашқы санынан да ойлы оқырманға олжа біраз дүниелерді кездестіруге болады.

Кітапқа құмар, әдебиетке әуес жұртшылыққа жазушы Тұрысбек Сәукетаевты таныстырып жатудың өзі артық болар. Қаламгердің басы­лымның беташарынан орын алған “Мен жындымын” романынан үзін­дінің бүкіл оқиғасы Тәуелсіздік жылда­рында өтеді. Бас кейіпкердің бас­тан кешкендері мен санасында шар­пысқан ойлары, түрлі көңіл күйдегі пси­хологиясы арқы­лы бағаланатын бү­гінгі қоғамның қалтарыс-бұлтарысы ро­ман сюжетін тартымды ете түскен.
Ақын, Мемлекеттік сыйлықтың ие­гері Тыныштықбек Әбдікәкімовтің рухты жырларын төл поэзиямыздың белгілі өкілдері: “Қазақ өлеңіндегі құбылыс” деп бағаласа бағалағандай-ақ. “Көкірегінен ұлтымыздың иісі аңқитын өлеңді көшірген” қаламгердің жұпар жырларына да журнал бетінен орын беріліпті. Ал Мемлекеттік сыйлықтың иегері жазушы, драматург Роза Мұқанованың “Сарра” пьесасын оқып отырып, талас-тартыс үстінде ашыла түсетін характерлер, фи­налдың әр кез тосын түйінделуі, қаһармандардың қайталанбауы, формалық ізденіс, мазмұндылық сияқты қаламгер драматургиясына тән қасиеттерге қаныға түсеміз.
“Мағжан” журналының ұжымы жарық көрген күннен бастап ел деңге­йінде көрініп жүрген жас буын өкілдеріне, өңір қаламгерлеріне ерекше қам­қорлықпен қарап, жазған дүниелерін қалың оқырманға ұсынып келеді. Бұл жолы журнал бетінен жас ақын Файзулла Төлтайдың сырлы өлеңдері, облыстық “Soltústik Qazaqstan” газетінің бас редакторы Ербақыт Аман­тайұлының “Чемпион” атты эссесі, Сағындық Мауғазин­нің “Жолдыбай” әңгімесі орын алған.

Нұргүл ОҚАШЕВА,
“Soltüstık Qazaqstan”.