Soltüstık Казахстан
Балалар мен жасөспірімдердің кітап оқуын қолдау жылы аясында өңіріміздегі кітапханалар қоры жаңа әдебиеттермен толығуда. Бұл орайда, кішкентай оқырмандардың назарына “Қазақ және әлем халықтары ертегілерінің Алтын жинағы” атты кітапты ұсынамыз.
Туынды екі тараудан тұрады. Бірінші тарауда қазақ халық ертегілері топтастырылған. Оқыған адамды айналасын сиқырлы күштерімен таңғалдыратын самұрық құс, айдаһар, мыстан кемпір, мерген, тазша бала сияқты ертегі кейіпкерлері туралы қызықты оқиғалар елітіп әкетеді. Бұл тарауда 130-дан астам ертегі бар. Келесі бөлімде орыс, өзбек, украин, еврей, корей, тәжік, түрік, қытай халықтарының ең таңдаулы ертегілері жинақталған. Әлем халықтарының әдеби қазынасынан сыр шертетін бұл кітап кішкентай бүлдіршіндерді ғана қуантып қоймай, ересектер үшін де рухани азық болары сөзсіз.
Ләззат ЗАРЫПҚЫЗЫ,
№2 қалалық
кітапхананың меңгерушісі.