Үйге жеткізіп береді

Soltüstık Казахстан

 Kyzylzhar_akparat@mail.ru

Өткен жылдың қазан айында “Электрондық үкімет” порталында мемлекеттік нөмірлерді және да­йын көліктің техникалық паспор­тын үйге жеткізу бойынша жаңа сер­вис пайда болды. Енді автокө­лікті онлайн қайта тіркеген автокө­лік иелері көлік құралын тіркеу ту­ралы куәлік пен нөмірлерді алу үшін мамандандырылған Халық­қа қызмет көрсету орталығына бар­мауларына да болады. Өті­нім­де көрсетіленген мекенжай бо­йын­ша қызметалушыға жеткізіле­ді. Сервисті іске қосқан сәттен бас­тап, жиырмадан астам солтүстік­қазақстандық жаңа сервистің тиім­ділігін бағалай алды.

Жаңа автокөлік иесі онлайн са­тып алу мәмілесінен кейін egov.kz порталындағы “Көлік және комму­никация” бөлімінде “МТНБ мен техпаспортты жеткізу” электрон­ды қызметіне тапсырыс беруі тиіс. Бұдан әрі жеке деректерді және көлік туралы мәліметтерді (тех­пас­порт, МТНБ) толтыру қажет, сон­дай-ақ, ең соңында құжаттар жеткізілуі тиіс мекенжай көрсе­ті­луі қажет. Содан кейін қызмет құ­нын төлеп, ЭЦҚ көмегімен немесе бір реттік SMS-құпия сөз арқылы сұрау салуға (мобильді азаматтар базасында міндетті түрде тіркелу керек) қол қою қажет. Бұл қызмет мамандандырылған Халыққа қыз­мет көрсету орталығы бар қала­лар­дың, облыстық және аудандық орталықтардың тұрғындарына қолжетімді. Бұл қызметтің құны 2240 теңге.

Айта кету керек, коронавирус пандемиясы кезінде қазақстан­дық­тар мемлекеттік қызметтерді алудың электрондық сервистерін жиі пайдалана бастады. Осылай­ша, жыл басынан бері солтүстік­қазақстандықтар egov.kz порта­лында екі мыңнан астам автокө­лікті онлайн қайта тіркеді.

Ерназар НҰРҒАЛИЕВ,

“Азаматтарға арналған үкімет” мемлекеттік корпорациясы” облыстық филиалының баспасөз хатшысы.