Soltüstık Казахстан
Футболдан Премьер-лига командалары 7-ші тур ойындарын өткізді. “Qyzyljar” клубы өз алаңында талдықорғандық “Жетісумен” кездесті.
Матч басталысымен жерлестеріміз қонақтар қақпасына лап қойды. Көп кешікпей шабуылдар өз нәтижесін берді. Кездесудің 20-шы минутында жергілікті клубтың қорғаушысы Валерий Каршакевич мергендік танытып, есеп ашты. Бұдан соң солтүстікқазақстандық аяқдопшылар таблодағы есепті еселеуге тырысты. Сөйтіп 44-ші минутта Әлібек Қасым қарсыластың қақпасын дәл көздеді.
Екінші таймда жетісулықтар есе қайтаруға тырысқанымен, “Qyzyljar” қорғаушыларынан өте алмады. Керісінше, қауіпті сәттердің басым бөлігі қонақтар қақпасының жанында болды. Шабуылдардың бірінде жергілікті команда ойыншысы Данило Алмейда гол соғып, кездесудің соңғы нүктесін қойды. Қорытынды есеп – 3:0. Бұл турдан соң “Qyzyljar” клубы 10 ұпаймен турнир кестесінің 6-шы сатысына көтерілді, “Жетісу” соңғы орында.
Аманжол НҰРТАЗИН,
“Soltüstık Qazaqstan”.