Soltüstık Казахстан
Kyzylzhar_akparat@mail.ru
Халықаралық балаларды қорғау күніне орай Петропавлдағы “Қызылжар” облыстық орталық мешіті “Жетім көрсең, жебей жүр” қайырымдылық акциясын өткізді. Бұл жолы дін қызметкерлері отбасы үлгісіндегі балалар ауылының тәрбиеленушілерін қуантты.
Игі іс-шараның негізгі мақсаты – ата-ана қамқорлығынсыз қалған жетім балалардың жүрегіне жылу ұялатып, жүздеріне күлкі сыйлау. Сондықтан мешіт қызметкерлері әр бүлдіршінді назардан тыс қалдырмай, осындағы 30 тәрбиеленушіге кәдесыйлар тарту етті. Киім-кешектер мен тәттілер үлестірді.
“Қызылжар” облыстық орталық мешіті мұнымен шектелмек емес. Алдағы уақытта сауабы мол қайырымды істер легін жалғастырмақшы.
Нұрбол БАЛҒАБЕКОВ,
“Қызылжар” облыстық орталық мешітінің баспасөз хатшысы.