Бүлдіршіндерге тарту

Soltüstık Казахстан

 Kyzylzhar_akparat@mail.ru

Үстіміздегі жыл елімізде бала­лар мен жас­өспірімдердің кітап оқуын қолдау жылы болып бекітіл­гені белгілі. Осыған орай жергілікті кі­тапханалар мен мектеп­терде түрлі жұмыстар ат­қарылуда. Со­лардың бірі Ғабит Мүсірепов атын­дағы облыстық балалар мен жас­өспірімдер кітапханасында ұйым­дастырылды.

Аталмыш ру­ханият ордасының директоры Ға­лия Мал­дыбаева­ның жас оқыр­ман­дарға арналған “Сағдиян елін­де” атты ер­тегілер жинағының тұ­саукесер рә­сіміне облыс орталы­ғындағы бір­қатар білім ордасының ұстаздары мен бүлдіршіндері жиналды.

Автор бұл жинағына енген туын­дылары арқылы жас оқыр­ман­дарды адал, еңбекқор, ақылды әрі шыдамды болуға шақырады. Әсем суреттермен безендірілген кітап екі тілде жарық көрген. Шара барысында Ғалия Ғалымқызы жиналғандарға жинақтың ата­уы­ның неліктен “Сағдиян елінде” деп аталғаны туралы айтып, оқырман­дар тарапынан қойылған сұрақ­тар­ға жауап берді. Кештің ең жас қонақтары – “Салтанат” балабақ­шасының тәрбиеленушілеріне тәт­тілер үлестірілді.

Майра ӘБДІМҰРАТҚЫЗЫ.