Soltüstık Казахстан
Ардақты ақ халатты абзал жандар! Сіздерді облысымыздың аға буын өкілдері атынан кәсіби мерекелеріңіз – Медицина қызметкері күнімен шын жүректен құттықтаймын! Адам өмірін ұзартуға септігін тигізіп, ажалдан арашалаушы дәрігер мамандығын халқымыз ежелден қастерлеп, құрметтеген. Біздің дәрігерлер өз істеріне тиянақты, жылы сөздерімен, ізгі лебіздерімен адам жанын жадыратады.
Адамның жасы ұлғайған сайын денсаулығы да сыр беретіні бар. Осындай сәтте шипалы қолдарыңызбен жасаған ем-домдарыңыз дарып, құлан таза айығып кетіп жатамыз. Әлемді шарпыған пандемия кезінде де сіздерге арқа сүйедік. Өз өмірлеріңізге төнген қауіпке қарамастан өзгелерді құтқаруға асықтыңыздар.
Адам өміріне арашашы болып жүрген абзал жандардың отбасыларына амандық, дендеріне саулық тілей отырып, кәсіби біліктіліктеріңіздің арқасында биік асулардан аса беріңіздер демекпін. Өңіріміздегі барлық дәрігерлер мен медбикелерді шын көңілден төл мерекелерімен құттықтаймын! Сіздерге алғысымыз шексіз!
Ескендір ЕЛЕУСІЗОВ,
облыстық ардагерлер кеңесінің төрағасы.