ТӨЛ МЕЙРАМҒА ТАРТУ

Soltüstık Казахстан

 Kyzylzhar_akparat@mail.ru

Теледидар, газет-журналдар, радио мен түрлі ақпарат агенттіктері арқылы барша өңір жұртшылығына хабар тарататын тілшілер қауымы дәстүрлі облыстық спартакиадада бас қосты. Жылына бір рет келетін журналистердің кәсіби мерекесінде бұқаралық ақпарат құралдары қызметкерлері өз араларынан жүзден – жүйрік, мыңнан – тұлпарды анықтады.

Былтыр пандемияға бай­ла­нысты карантиндік шектеулер сал­дарынан турнир ұйымдасты­рылған жоқ. Биыл орайы туып, Петропавлда журналистер ара­сындағы аламан дода “Қарасай” стадионында өтті. Осы жолы жа­рыс жолына төрт команда, атап айтқанда, “Меншікті тілшілер”, “Qy­zyljar” телеарнасы, облыстық ішкі саясат басқармасы маман­да­ры­нан құралған және “Soltüs­tık Qazaqstan” қоғамдық-саяси га­зетінің ұжымы шықты. Сайыс тартысқа толы болды.

Облыс журналистері алты спорт түрінен сынға түсті. Волейболдан бірінші орын “Меншікті тілшілер” командасына, екінші орын тарихы бір ғасырдан асқан “Soltüstık Qazaqstan” газетінің ұжымына бұйырды. Үздік үштікті облыстық ішкі саясат басқар­ма­сы түйіндеді. Ал үстел теннисін­де кілең мықтылар жиналды. Бұл сайыста меншікті тілшілер же­ңім­паз атанса, газетіміздің қыз­меткерлері күміс медаль енші­леді. Ал қола облыстық телеарна­ға бұйырды.

Шахматта да ұжымы­мыздың белді мүшесі Өмір Есқа­лидың ұшқыр ойы мен зияткерлік қабі­летінің арқасында газетіміз үшін­ші орынды жеңіп алды. Бас жүл­де меншікті тілшілердің қоржы­нына түссе, күміс медаль ішкі сая­сат басқарма­сынының қанжыға­сына байланды.

Жеңіл атлетикадағы эстафета сайысында ішкі саясат басқар­масы – алтын, облыстық телеар­на – күміс, ұжымымыз қола жүл­дегер атанды. Шағын футболдан өткен 4 кездесу де тартысқа толы болды. Үшінші орын үшін бақ таласқан өңірдегі қазақ тіліндегі жалғыз газет 2:1 есебімен бас­қарма мамандарынан басым түсті. Ақтық сында “Qyzyljar” журналистері меншікті тілшілердің қақпасына жауапсыз 3 гол салып, жеңімпаз атанды.

Жарыстың бағдарламасында ұлттық спорт түрі – арқан тарту­дан да жүлдегерлер анықталды. Бірінші тұғырға – “Меншікті тіл­шілер”, екінші сатыға “Soltüstık Qazaqstan” газеті көтерілді. БАҚ спартакиадасының жалпыко­ман­далық есебінде “Хабар”, “Ха­бар24”, “Қазақстан” мен “Астана” арналарының өңіріміздегі мен­шікті тілшілерінен құралған ко­манда топ жарды. Ал біздің ұжым кү­міс медальға қол жеткізсе, ішкі саясат басқармасы қола жүлде­гер атанды.

Аманжол НҰРТАЗИН,

“Soltüstık Qazaqstan”.

Суретті түсірген

Талғат ТӘНІБАЕВ.