Soltüstık Казахстан
Қазақстанда аудандық маңызы бар қалалардың, ауылдардың, кенттердің және ауылдық округтердің әкімдеріне кандидаттарды тіркеу процесі аяқталды, деп хабарлайды zakon.kz.
Бұл туралы Қазақстан Республикасы Президентінің көмекшісі Ерлан Қарин мәлім етті.
14 шілдеде аудандық маңызы бар қалалардың, ауылдардың, кенттердің және ауылдық округтердің әкімдеріне кандидаттарды тіркеу аяқталды. Республикада сайлауға қатысу үшін барлығы 2 582 адам өз кандидатураларын ұсынды, оның 2 297-сі немесе 88,9% қажетті тіркеуден өтті. 878 адам (38,2%) саяси партиялар атынан өз кандидаттығын ұсынды, – дейді Ерлан Қарин.
Сондай-ақ ол еліміздің барлық алты саяси партиясы өз кандидатураларын ауыл әкімдеріне ұсынғанын атап өтті.
Кандидаттардың көпшілігі, атап айтқанда, 1 419 немесе тіркелген кандидаттардың жалпы санының 61,8% – өз-өзін ұсынушылар. Бұл – өте маңызды көрсеткіш. Яғни, жаңа нормалар белсенді азаматтарға өз мүмкіндіктерін іске асыруға қосымша мүмкіндіктер туғызды. Мұның бәрі президенттік саяси реформалардың қоғамда үлкен қызығушылық тудырғанын байқата алады, – деді Қарин.
https://kaz.zakon.kz/