Soltüstık Казахстан
Солтүстік Қазақстан облысында соңғы аптада күнделікті коронавирус жұқтырған 100-ге жақын адам анықталып жатыр. Осы аралықта қайтыс болғандардың саны 5-еуге жетті, арасында бірден асқан сәби де бар, деп хабарлайды ҚазАқпарат тілшісі.
СҚО денсаулық сақтау басқармасының мәліметінше, өңірде эпидемиологиялық жағдай күрделі. Тек өткен тәулікте 97 адам коронавирусты жұқтырды. Қазір облыстағы инфекциялық стационарлар 52 %-ға толған, 434 адам ем алып жатыр.
Қауіпті вирусты жұқтырғандардың 30-ының жағдайы ауыр. Жансақтау бөлімшесіне жатқызылған олар өкпені жасанды желдету аппаратына қосылған. Коронавирусты жұқтырып, ауруханаға түскендердің ешқайсы да вакцинациядан өтпеген.
Соңғы аптада COVID-19-дан қайтыс болғандар саны артты. Көз жұмғандардың біреуі – жастан екі ай асқан сәби.
СҚО-да бүгінде 184 295 адам вакцинаның 1-ші компонентін алды. Оның 108 446-сы толық курстан өткен.
https://www.inform.kz/