Soltüstık Казахстан
Сәбит Мұқанов атындағы облыстық ғылыми-әмбебап кітапхана және “Аттракциондар әлемі” жауапкершілігі шектеулі серіктестігінің мамандары бірлесе ұйымдастырған адамзаттың алыбы Абай Құнанбаев пен жыр жампозы Жамбыл Жабаевтың мерейтойларына арналған “Даланың ұлы ақындары” атты поэзиялық байқауының қорытындысы жарияланды.
Байқауға 3-18 жас аралығындағы үміткерлер қатысты. Қашықтан ұйымдастырылған сайыс барысында қатысушыларға қос ақынның өлеңдерін оқып, креативті бейнеролик түсіру талабы қойылды. Қатысушылар шығармашылық жұмыстарын әлеуметтік желілерге салып, қажетті хэштегтер мен кітапхананың парақшасын белгіледі. Қазылар алқасы қатысушылардың шығармашылық көзқарасын, бейнероликті безендіруін, өлең оқу мәнерін бағалады.
Жеңімпаздар екі аталым бойынша анықталды. “Абай күні” аталымы бойынша бірінші орынды Меруерт Мұратбек алса, екінші орын Елизавета Радченкоға бұйырды. Үшінші орынға Балбөбек Омар лайық деп танылды. “Жамбыл Жабаевтың 175 жылдығы” аталымында Ажар Сыздықова, Гүлнәр Әубәкірова жеңімпаз атанды.
Рабиға ЕРАЛЫ,
“Soltüstık Qazaqstan”.