Soltüstık Казахстан
Облыс аумағында қазіргі уақытта 7172 азаматтың қолында рұқсат етілген 12 145 қару бар. Жазатайым оқиғаларға жол бермеу, сондай-ақ қаруды ұрлауды және оны одан әрі қылмыстық мақсатта пайдалануды азайту мақсатында тәртіп сақшылары қарудың дұрыс сақталуын жүйелі түрде тексереді. Жуырда “Қару” жедел-профилактикалық іс-шарасы өтті.
– Қару мен оқ-дәрілерді белгілі талаптарға сәйкес құлыпталған сейфтерде сақтау қажет. Қала мәртебесі берілген елді мекендерде тұратын қару иелері дабылқаққыш орнатуға міндетті. Сейфте қарумен бірге құнды заттарды, ақшаны, қаруға берілген құжаттарды және тағы басқаларды сақтауға тыйым салынған. Биыл қаруды сақтау ережесін бұзғаны үшін 493 адам жауапкершілікке тартылды, – дейді облыстық әкімшілік полиция басқармасы бастығының міндетін атқарушы Ерлан Мәдиев.
Ерлан МАХМЕТОВ,
облыстық полиция департаменті ішкі және сыртқы коммуникациялар бөлімінің бас маманы.