Soltüstık Казахстан
Kyzylzhar_akparat@mail.ru
Румынияның Констанца қаласында халықаралық этникалық мәдениет фестивалі аясында қазақ күресінен “World Cup – 2021” додасы өтті. Бәсекелі жарысқа әлемнің 21 елінен 128 балуан қатысты.
Жарысты еліміздің “Qazaq kuresi” қауымдастығы румыниялық әріптестерімен бірлесе ұйымдастырды. Қос мемлекеттің бастамасымен өткен байрақты бәсекеде “Qyzyljar arlandary” клубының белді мүшесі Мұхит Тұрсынов бағын сынады. 100 килограмм салмақ дәрежесінде күрескен жерлесіміз жеңімпаз атанды.
Сондай-ақ өзге күрес түрлерінен де жарыстар өткізілді. Атап айтқанда, құраш, аба және қырым күрестері бойынша сайыстар, ат жарыс, садақ ату, семсерлесу, найзамен айқасу сынды көшпенділер ойындары да ұмыт қалмады.
Аманжол НҰРТАЗИН,
“Soltüstık Qazaqstan”.