Soltüstık Казахстан
Жаңа жыл қарсаңында Нұр-Сұлтан қаласындағы “Gentlemenי s Club” клубының бас директоры Руслан Шамкенов солтүстікқазақстандық екі отбасыға үй сатып алып берді.
Баспаналы болғандардың бірі – Есіл ауданына қарасты Амангелді ауылында тұратын Людмила Ильина. Жалғызбасты әйелдің 7 баласы бар. Кең әрі жылы үйдің 3 жатын, бір қонақ бөлмесі, ауласы, қора-жайы мен моншасы да бар. Тіпті тереңнен су тартатын құдығы да жұмыс істеп тұр. Людмила Ильина демеушілік көрсеткен қайырымды жандарға алғысын айтып, қуанышты екенін жеткізді.
Клуб өкілдері, сондай-ақ Уәлиханов ауданындағы Әділет Мұхамедрахимовқа да қолдау көрсетіп, үй сатып алуға қажетті қаржысын жинап берді. Ізгі ниетті жандар Батыс, Шығыс Қазақстан, Ақмола және Түркістан облысындағы мұқтаж отбасыларға да көмек қолын созып, үйлі болуларына септігін тигізді.
Мейраш АБУОВ,
Есіл ауданының тұрғыны.