Soltüstık Казахстан
Қыс басталғалы қаладан 50 мың текше метр қар шығарылған. Күндіз тұрғындарға кедергі келтірмеу үшін коммуналдық мекемелердің жұмысы, әсіресе түнгі уақытта қызады. Бұл үшін 100-ге жуық техника жұмылдырылған.
Үйінің маңайындағы қарды тұрғындар өздері де шығарып жатады. Ол үшін Шаховское елді мекенінің жанында арнайы полигон бар. Бірақ кейде артық қыламын деп тыртық қылатын жағдайлар да кездесуде. 41 жастағы қала тұрғыны ауласындағы қарды “Газель” автокөлігіне тиеп, оны жол жиегіне төгіп кеткен.
– Ол қоқыс араласқан қарды “Гудок” саяжай қауымдастығының аумағына апарып, жол жиегіне аудара салған. Қала кейпіне нұқсан келтіргені үшін оған қатысты әкімшілік хаттама толтырылып, 20 АЕК көлемінде айыппұл салынды. Бұл – 60 мың теңге. Егер оны 7 күн ішінде өтемесе, онда төлейтін айыппұл сомасы 40 АЕК-ке дейін артады, – дейді қалалық полиция басқармасы 2-ші полиция бөлімінің учаскелік полиция инспекторы Ақжан Әубәкіров.
Мағжан АХМАДИНА.