Заман өзгерді, қатыгездік бел алып тұр, адамдардың бойындағы жылылық, адамгершілік кейінге шегінген. Осындай кезде бір жылы жүзді, адамдарға үнемі ізетпен қарап, жанашырлық білдіріп тұратын жанды көрсең, көпке дейін оның бейнесін ұмыта алмай жүресің. Ұзақ жылдар бойы Есіл ауданының орталығы Явленка ауылында тұрып келе жатқан Төлеген Мұқашев ағамыз да сондай адам. Қашан көрсең де ол кісінің …
Облыс орталығынан 120 шақырым жерде орналасқан Қызыләскер елді мекенінде 320 адам бар. Олардың үштен бірі – оқушылар. Бұрындары көпбалалы отбасылар некен-саяқ кездессе, қазір олардың саны артуда. Қай тұрғынмен сөйлессең де, ауылдан кеткісі жоқ.
Еліміздегі барлық пәтер иелері кооперативтері үстіміздегі жылғы бірінші шілдеге дейін өз жұмыстарын тоқтатады. Олардың орындарына мүлік иелерінің бірлестігі құрылады.
Ғабит Мүсірепов атындағы облыстық балалар мен жасөспірімдер кітапханасында ақын, Ұлы Отан соғысының ардагері Жұмағали Саиннің туғанына 110 жыл толуына орай “Жалынды жырлар” атты көрме өтті.
Петропавлдың құтқарушылары Әуезов көшесі, 147 мекенжайындағы 5 қабатты үйдің бірінде орын алған өртті сөндіру кезінде 20 адамды қауіпсіз жерге шығарды.
Мамлют аудандық полиция басқармасының мамандары оқушыларды мектепке тасымалдайтын көлік құралдарын тексеруде. Олар, әсіресе шағын автобустар мен газель көліктерінің техникалық жағдайына баса назар аударды. Өйткені жылдың қай маусымы болмасын сәбилерді тасымалдайтын көліктің ақаусыз болғаны маңызды. Сақылдаған сары аяз, жалтыр мұзда түрлі жол апатына түсіп қалудың алдын алу үшін жүргізуші, ең алдымен, көліктің тежегіші мен дөңгелегін жиі …
Солтүстік Қазақстан облысы бойынша қылмыстық-атқару жүйесі департаментіне қарасты түзету мекемелерінде жазасын өтеп жатқан 260 адам рақымшылыққа ілінеді. Соның 89-ы түрмеден босатылса, 171-нің жазасын өтеу мерзімі қысқартылады. Рақымшылыққа ілінгендердің қатарында 27 жастағы Анастасия Попова да бар.
“Балалы үй – базар, баласыз үй – қу мазар” демекші, әрбір отбасында баланың былдыры мен шат күлкісі естілгенге не жетсін. Ұрпақ өрбітуде ең бірінші ана денсаулығы маңызды орын алатыны айтпаса да түсінікті. Бірақ маман-дәрігерлер ұрпақты тоғыз ай көтеретін анамен қатар әке денсаулығының да мықты болуы қажеттігін айтады. Ресми мәліметтерге сүйенсек, бүгінде елімізде отбасылардың 16 пайызы …
Тайыншалық Нұргүл Алпысова – көпбалалы ана. Өткен жылы Нұралхан, Асылхан, Мейірхан есімді үшемді дүниеге әкелді. Алты перзенттің ата-анасы атанған ерлі-зайыптылардың қуанышында шек жоқ.
Халқымыз үкілеп өсірген қызын жасаусыз ұзатпаған. Сондықтан болар қыз жасауына жауапкершілікпен қараған. “Алты жастан бастап жинасаң асады, жеті жастан бастап жинасаң жетеді” деген сөздің шығуы да бекер емес. Жасау дайындаудың астарында қызға деген көңіл, оның болашақ тағдырына деген көзқарас жатыр. Ұлттық құндылықтарды ұлықтаған халқымыз бүгінде қыз жасауына қаншалықты мән береді? Осы мәселенің төңірегінде сауалнама жүргізген …
Ұлы Отан соғысындағы жеңіс елімізге оңай келмегені белгілі. Сол қиын-қыстау заманда майдан даласындағы жауынгерлермен бірге зұлмат жылдардың бар ауыртпашылығын көтерген, бейбіт заман орнатуға үлес қосқан тыл еңбеккерлерінің де еңбегі ерен. Тылдағы еңбек майданында шыныққандардың бірі – Шайза Елубаева.
М.Қозыбаев атындағы Солтүстік Қазақстан университеті жанындағы “Қазақстан халқы Ассамблеясы” кафедрасы азаматтық бірегейлікті қалыптастыру, этносаралық келісімді нығайту бағытында сан-салалы жұмыстар атқарып келеді. Сондай-ақ үкіметтік емес ұйымдармен, этномәдени бірлестіктермен бірлесе отырып, патриотизм идеясы негізінде жастар арасында толеранттылық пен барша этностардың мәдени дәстүрін, тілін, салт-дәстүрлерін жандандыру шараларынан да шет қалған емес.
“Жоқтан бар пайда болмайды, бар нәрсе жоққа айналып кетпейді” деген қанатты сөзді қай данышпанның айтқанын есімнен шығарып алыппын. Білетінім – бізге мектепте соны айдай ақиқат деп үйретті. “Сайт” деген сайтан, “ғаламтор” деген ғаламат қолданысқа енгелі, аталған афоризмнің ақиқаттығы айқындала түскендей. Бұлай деуіме себеп – жақында әңгімесымағым сан-сапалақ сайттардың бірінде жарық көрді.
Хакім Абай 37-ші қара сөзінде: “Жамандықты кім көрмейді? Үмітін үзбектік – қайратсыздық. Дүниеде ешнәрседе баян жоқ екені рас, жамандықта қайдан баяндап қалады дейсің? Қары қалың қатты қыстың артынан көгі қалың, көлі мол жақсы жаз келмеуші ме еді?” – деп көрегендікпен айтылған даналықты пікіріне қайраттанасың әрі азаптанасың. Ел басына туған алапат қасірет отына күйінесің.
Облыс әкімі Құмар Ақсақаловтың төрағалығымен өткен әкімдік отырысында өңірдегі эпидемиологиялық ахуал мен тұрғындарды вакциналау барысы туралы айтылды.
Облыс әкімі Құмар Ақсақаловтың қатысуымен құрылыс, сәулет және қала құрылысы, энергетика, тұрғын үй-коммуналдық шаруашылығы басқармаларының біріккен алқа мәжілісі өтті.
2005 жылдан бастап Қазақстан Республикасында жұмыспен қамтылған халықты әлеуметтік қорғаудың қосымша нысаны ретінде міндетті әлеуметтік сақтандыру жүйесі енгізілді. Бүгінде аталмыш ұйым қандай жұмыстар атқаруда? Бұл туралы мемлекеттік әлеуметтік сақтандыру қорының бас директоры Алмас Құрмановпен сұқбаттасқан болатынбыз.
Мағжан Жұмабаев атындағы жоғары колледжде қазіргі уақытта кәмелетке толмаған 260 студент “COMIRNATY” вакцинасын алды. Күн сайын ата-аналармен және студенттермен вакциналау бойынша жұмыстар жүргізілуде.
Облыста 60 жастан асқан егде тұрғындарға коронавирусқа қарсы “Pfizer” екпесі қойыла бастады. Петропавлдағы 1-ші қалалық емхананың мамандары тұрғындарға телефон шалып, вакцина алуға шақыруда.
Солтүстік Қазақстан облысында өткен тәулікте коронавирус жұқтырудың 143 жағдайы тіркелді. Қаңтар айынан бастап инфекциялық стационарларға бір тәулікте жатқызылатын сырқаттар саны 10 %-ға артқан, деп хабарлайды ҚазАқпарат тілшісі.
