Жастар тәрбиесіне — айрықша назар

Soltüstık Казахстан

 Kyzylzhar_akparat@mail.ru

М.Қозыбаев атындағы Сол­түстік Қазақстан университеті жанындағы “Қазақстан халқы Ассамблеясы” ка­федрасы аза­мат­тық бірегейлікті қа­лыптас­тыру, этносаралық келісімді ны­ғайту бағытында сан-салалы жұ­мыстар атқарып келеді. Сондай-ақ үкіметтік емес ұйымдармен, этно­мә­дени бірлестіктермен бір­лесе оты­рып, патриотизм идея­сы негізінде жас­тар арасында то­леранттылық пен барша этнос­тардың мәдени дәстүрін, тілін, салт-дәстүрлерін жандандыру шараларынан да шет қалған емес.

Жуырда “Қазақстан халқы Ассам­блеясы” кафедрасының меңгерушісі Людмила Гривеннаяның жетекшілігі­мен ғылыми-әдістемелік бірлестіктің кезекті отырысы өтті. Онда қоғамдық жұмыстарға белсенді қатысқаны үшін Людмила Александровнаға облыс әкімінің Алғыс хаты мен Қазақстан Республикасы Тәуелсіздігінің 30 жыл­дығына арналған кубок табыс етілді. Сондай-ақ М.Қозыбаев атындағы Сол­түстік Қазақстан университеті орыс тілі мен әдебиеті кафедрасы­ның про­фессоры, филология ғылымдарының докторы Зинаида Табакова көпжыл­дық ағартушылық қызметі үшін Алғыс хатпен марапатталды.

Бұдан кейін отырысқа қатысушы­лар атқарылған іс-шаралар туралы өз ойлары мен ұсыныстарын ортаға салды. Т.Ахметова, В.Чинишлов, та­ғы басқа ғылыми-әдістемелік орта­лық­тың мүшелері 2022 жылға арнал­ған жұмыс жоспарларымен бөлісті. Биыл кафедраның бастамасымен “Қазақ халқының мәдени мұрасы мен дәстүрлерінің заманауи ғылыми зерттеулері”, “Мектеп ғылымы” атты педагогтар мен білім алушылардың IV халықаралық онлайн-конферен­циясы, “Психологиялық айкидо”, “Же­дел­детілген қазақ тілі” экспресс-курс­тары, “Қалай ерікті болуға бола­ды?” секілді басқа да қызықты және танымдық тақырыптар жұртшылық назарына ұсынылады. Іс-шаралар жай­лы ақпараттар университет сай­тында және Қазақстан халқы облыс­тық ассамблеясының әлеуметтік желілерінде орналастырылады.

Жиында солтүстікқазақстандық­тармен кездесулер өткізу үшін диалог алаңы ретінде Достық үйінің мүмкін­діктерін пайдалану қажеттігі ай­тыл­ды. Бә­се­кеге қабілетті ұлт қалыптас­тыруға, оның ішінде жастар тәр­биесіне айрықша назар аударылды.

Болат БАЗАРБАЕВ,

М. Қозыбаев атындағы СҚУ жанындағы “Қазақстан халқы Ассамблеясы” кафедрасы ғылыми-әдістемелік бірлестігінің мүшесі.