Soltüstık Казахстан
Kyzylzhar_akparat@mail.ru
Өңір полицейлері “жасыру” әдісімен психотроптық заттарды сақтау және тарату ісі бойынша күдікті – Петропавл қаласының тұрғынына қатысты тергеу материалдарын сотқа жолдады.
Былтырғы жылдың шілдесінде есірткі қылмысына қарсы іс-қимыл басқармасының қызметкерлері синтетикалық есірткі таратумен айналысқан Петропавл қаласының 24 жастағы тұрғынын ұстаған болатын. Жас жігіттен кәдімгі ас тұзына ұқсас зат салынған 23 полимер орамасы анықталды.
Құрықталған күдікті сонымен қатар дәл осындай заттардың жасырылған 22 орнын көрсетті. Тәркіленген психотроптық заттардың жалпы салмағы 31,32 грамды құрады. Бұл аса ірі мөлшер болып саналады.
Нұрбек БАЕКИН,
облыстық полиция департаменті ішкі және сыртқы коммуникациялар бөлімінің инспекторы.