Soltüstık Казахстан
Сирия сергелдеңін көргендердің алдыңғы легі бостандыққа шықты. Петропавл әйелдер колониясында жазасын өтеген екі адам үйіне оралды. Жалпы “Жусан” операциясы барысында елге Сирия мен Ирактан 157 әйел қайтарылған еді. Оның 18-і қолдарына қару алып, террорлық ұйымға мүше болғаны үшін сотталған.
Петропавлдағы әйелдер колониясында терроризм бабы бойынша сотталған әлі үш әйел жазасын өтеп жатыр. Алды 10 жылға дейін бас бостандығынан айрылған. Олармен психолог және теолог мамандар жұмыс істейді.
– Сотталғандарды қоғамға қайта бейімдеу үшін жылдар қажет болуы мүмкін. Барлығы адамның өзіне, түскен ортасына байланысты. Жазасын өтеушілер түрлі тестен өтіп, олардың радикалдық көзқарастан қаншалықты арылғаны анықталады. Жастардың мұндай жолға түсіп кетуіне көбіне ақша себеп. Өйткені ұйымға неғұрлым көп адам шақырғандарға соғұрлым көп қаржы төленіп келген, – дейді теолог Әйгерім Қасенова.
Эльмира КӘЛЕНОВА.