Soltüstık Казахстан
Білім және ғылым министрлігі қазақстандық жоғары оқу орындары арасында өткізілген рейтинг нәтижесін жариялады.
Университеттердің рейтингі үш блокқа топтастырылған 19 критерий бойынша бағаланды. Яғни оқу ордаларының рейтингі түлектерінің қызмет бабымен өсу көрсеткіштері, білім беру бағдарламаларының сапасы мен студенттердің жетістіктері арқылы сараланды.
Топ жарған университеттердің қатарында өңіріміздегі М.Қозыбаев атындағы СҚУ-да бар. Жергілікті университет “Ауыл шаруашылығы және биоресурстар” бағыты бойынша алдыңғы орыннан көрінді. “Денсаулық сақтау және әлеуметтік қамсыздандыру” бағыты бойынша С.Асфендияров атындағы Қазақ Ұлттық медициналық академиясы үздік деп танылса, “Заңтану” бағытында М.Нәрікбаев атындағы ҚазМЗУ көш бастады. Елордадағы Л.Гумилев атындағы Еуразия ұлттық университеті “Педагогикалық ғылымдар” бағытында топ жарды.
Сағындық МАУҒАЗИН,
“Soltüstık Qazaqstan”.