Soltüstık Казахстан
«Nur Otan» партиясы Солтүстік Қазақстан облыстық филиалы саяси кеңесінің отырысы өтті. Облыс әкімі, партия филиалының басшысы Құмар Ақсақаловтың төрағалығымен өткен жиында саяси ұйымның XXII кезектен тыс съезіне қатысатын делегаттар сайланды.
Съезге өңірден 22 адам қатысатын болып шешілді. Облыстан баратын делегаттар қатарында партияның облыстық филиалының басшылығы, аумақтық филиалдар төрағаларының бірінші орынбасарлары, өңірлік саяси кеңес мүшелері бар. «Nur Otan» партиясының XXII кезектен тыс съезі наурыздың 1-і күні елордада өтеді. Съезд барысында Мемлекет басшысы, «Nur Otan» партиясының Төрағасы Қасым-Жомарт Тоқаев партия жұмысын одан әрі жетілдіру бойынша бірқатар нақты шараларды атап өтеді деп күтілуде.
Ілияс СӘБДИНОВ,
«Nur Otan» партиясы облыстық филиалының
баспасөз хатшысы.