Soltüstık Казахстан
Kyzylzhar_akparat@mail.ru
Сыбайлас жемқорлыққа қарсы іс-қимыл агенттігінің Солтүстік Қазақстан облысы бойынша департаменті төрт бірдей көліктік бақылау қызметкері мен екі кәсіпкерге қатысты сотқа дейінгі тергеуді бастады, деп хабарлайды Qyzyljarnews.kz тілшісі.
Сыбайлас жемқорлыққа қарсы қызмет көлік саласындағы жемқорлықтың алдын алу мақсатында сыртқы талдау жүргізді. Анықталған 25 факті бойынша кемшіліктерді жою туралы ұсыным берілді.
Өткен жылы осы саладағы заң бұзушылықтар үшін 3 қызметкер сотталғанын айта кеткен жөн. Облыстық көліктік бақылау инспекциясының бөлім басшысы мен бас маманы 3 жылға бас бостандығынан айырылды. Көлік комитетінің бас сарапшысына 30 млн. теңге көлемінде айыппұл салынды.