АБАЙДЫ ТАНУ – ӨЗІҢДІ ТАНУ

Soltüstık Казахстан

 Kyzylzhar_akparat@mail.ru

Оқушылар сарайында “Отан – отбасынан басталады” атты рухани кеш өтті. Отбасы құндылықтары мен ұлттық рухания­тымызды насихаттау мақсатында өткізілген іс-шараны бел­гілі абайтанушы, жазушы, ғалым Омар Жәлел жүргізді.

Омар Жәлел филология ғылым­да­ры­ның кандидаты, қазақ рухания­тының зерттеушісі. Кездесуді рес­публикалық “Сеніммен Болашақ” бір­лестігінің облыстық филиалы ұйым­дастырды. Кешке 200-ге жуық адам жиналды.

– Омар Жәлел ағамыздың қоз­ғай­тын тақырыптары сан қырлы. Ол кісі – абайтанушы. Абай шығармала­рын ұғыну арқылы адам жаны ке­мелденеді. Мысалы, Абайдың кей шығармаларында біз түсіне бермей­тін үлкен мән-мағына бар. Ол кісі со­ның мағынасын ашып, халыққа тү­сін­діреді, – дейді республикалық “Се­нім­мен Болашақ” ата-аналар қоғам­дық бірлестігі облыстық филиа­лының жетекшісі Жанат Мұхамед­жанов.

Әңгіме барысында Абай шығар­маларындағы ғылымның маңызы, отбасы құндылықтары сөз етілді. Жүр­гізушінің сөзінше, қазақ Абайды тану арқылы өзін таниды. Себебі Абай шығармалары барлық рухани бағытты қамтиды.

– Абайдың қозғайтын негізгі та­қырыптары бала тәрбиесі, қыз тәр­биесі болған. Баланы не үшін оқыту керек? Ғылымның пайдасы, негізгі өмірдегі құндылықтар қандай? Осын­дай сұрақтарға Абай жауап береді. Оның өзегінде Абай ілімі жа­тады. Шәкәрімнің классикалық 3 сұ­рағы бар ғой. Келдім қайдан? Қайт­сем пайдам? Өлген соң не болам? Бұл – жантану мәселесі. Өзімізді ал­дымен тануымыз керек, – дейді Омар Жәлел.

Абайтанушы дәл осындай кешті Шал ақын және Есіл аудандарында да өткізді.

СУРЕТТЕРДЕ: кештен көрініс.