Ақерке Дәуренбекқызы
Сирек кездесетін дерттің бірі – арқа бұлшық ет атрофиясы ауруына шалдыққан 1 жас 4 айлық нәрестеге дәрігерлер құны 35 млн. теңге тұратын дәріні екті. Баланың өмірін сақтап қалу үшін аса қажет қымбат препарат республикалық бюджеттен бөлінген қаражатқа алынды.
Облыстық көпсалалы балалар ауруханасы мамандарының мәліметінше, осындай ем-дом өңірде алғаш рет жасалып отыр. Бұлшық ет атрофиясы – өте сирек кездесетін орфандық ауру. Өңірде бұл дертпен ауыратын бала біреу ғана.
Нәрестеге “Спинраза” деп аталатын препараттың алғашқы дозасы интратекальді түрде жұлын каналы егілді. Ем-дом асқынусыз өтуі үшін Астанадан невролог дәрігерлердің бригадасы келді. Кейін 72 сағат бойы бала мамандардың бақылауында болды.
“Дәрі салынғаннан кейін нәрестенің жағдайына мониторинг жүргіздік. Жағдайы тұрақты, сол себепті үйіне жібердік. Сәби тұрғылықты жері бойынша амбулаторлық бақылауда болады”, – деді нәрестені емдеуші дәрігер, аурухананың неврологиялық бөлімшесінің меңгерушісі Елена Бедина.