Soltüstık Казахстан
Қаңтар айында өңірімізде 740 шетелдік тіркелді, оның 612-сі – Ресей азаматы. Ресейліктердің 446-сы облысқа келуінің негізгі мақсаты ретінде жұмысқа орналасуды көрсеткен. Биыл 27 қаңтарда Қазақстанның көші-қон заңнамасына өзгерістер енгізілді. Алайда көпшілік одан бейхабар. Көші-қон қызметінің мамандары шетелдік азаматтардың елде болу ережелеріндегі жаңалықтарды түсіндіре отырып, ақпараттық жұмыс жүргізеді.
Қазақстанға визасыз кіруге рұқсат етілген басқа мемлекеттердің азаматтары біздің елімізде 30 күнге дейінгі мерзімде бола алады. Екі рет олар “визаран” деп аталатын тәжірибені қолданады, бұл елден қысқамерзімді шығу тәжірибесі, ол болу мерзімін ресми түрде жаңарту үшін қажет. Бұрын мұндай сапарлардың саны шектелмеген еді. Енді 180 күн ішінде Қазақстанда болудың жиынтық мерзімі 90 күннен аспауы тиіс. Еуроодақ елдерінің азаматтары Қазақстанда 90 күн үздіксіз бола алады. Осыдан кейін республика қонақтары кем дегенде келесі 90 күнге дейін кетуі керек. Содан кейін ғана қайта келуге болады. Бұл шектеулер Қазақстанда болу кезеңінде уақытша тұруға рұқсат немесе виза ресімдеген шетелдіктерге қолданылмайды. Жаңа ережелер Қазақстанның көші-қон заңнамасын көптеген елдердің, соның ішінде ТМД құрамына кіретін мемлекеттердің нормаларына сәйкестендірілді.
Талғат ӘБІЛОВ,
облыстық көші-қон қызметі басқармасының бастығы.