Soltüstık Казахстан
Үстіміздегі жылғы 20 ақпаннан көші-қон қызметінің мамандары “Мигрант” жедел-алдын алу іс-шарасын өткізуде. Оның мақсаты – көші-қон заңнамасын бұзушылықтардың жолын кесу. Алғашқы үш күн ішінде құқықтық тәртіп сақшылары облысымызда басқа мемлекеттердің азаматтары тарапынан 45 заң бұзушылықты анықтады. Екі жағдайда Қазақстанның визалық режімін бұзған Германия және Түрікменстан. елдерінің тұрғындары анықталды. Олар рұқсат етілген мерзімді асырып жіберген. Сонымен қатар, 38 солтүстікқазақстандық үш күн ішінде көші-қон қызметіне шетелдіктерді қабылдағаны туралы хабарламағаны үшін жауапкершілікке тартылды.
Жедел – алдын алу іс-шарасы шеңберінде базарларда, құрылыс нысандарында, ауыл шаруашылығы құрылымдарында тексеру жүргізілуде. Шетелдік жұмыс күшін заңсыз тартудың бес фактісі анықталды. Сондай-ақ іс-шараны өткізу кезеңінде Қазақстаннан сот шешімі бойынша екі шетелдік шығарылды, оның ішінде Тайынша ауданының аумағында қос азаматтығы бар Ресей Федерациясының тұрғыны анықталды.
Талғат ӘБІЛОВ,
көші-қон қызметі басқармасының бастығы, полиция подполковнигі.