“Тез тап” зияткерлік ойыны

Soltüstık Казахстан

 Kyzylzhar_akparat@mail.ru

Мәдениет, тілдерді дамыту және архив ісі басқармасы “Ха­лықаралық “Қазақ тілі” қоғамы” қоғамдық бірлестігінің облыстық филиалымен бірлесіп “Білімді мыңды жығады” тақырыбында “Тез тап” командалық зияткерлік ойынын өткізді.

Ұйымдастырушылар өлкенің та­ри­хынан сыр шертетін мәдени ошақ – облыстық тарихи-өлкетану музейінде командалардың басын қосты. Ойынға облыстық полиция департаментінен, “Қазпошта” акцио­нерлік қоғамының облыстық филиалынан, қала мектептерінің қа­зақ тілі мұғалімдерінен іріктелген төрт құрама команда қатысты.

– Ойынның шарты бойынша ко­мандада жеті адам болды. Бес ке­зеңнен тұратын ойын түрлі танымдық тақырыптарды қамтыды. Қатысушыларға логикалық сұрақтар, та­н­ымал кинотуындылардан үзінді­лер көрсетілді, әлем тарихын қам­титын сауалдар қойылды, – дейді “Халықаралық “Қазақ тілі” қоғамы” қоғамдық бірлестігі облыстық фи­лиалының төрағасы Жанат Мұхмеджанов.

Облыстық полиция департа­мен­тінің құрама командасы ұйымшылдық танытып, барлық кезеңдерде жинаған ұпай саны бойынша жартылай финалға өтті. Ақтық сынның жеңімпаздары тамыз айында өтетін тілдер фес­тивалінде марапатталатын болады.

Нұрбек БАЕКИН,

облыстық полиция департаменті ішкі және сыртқы коммуникациялар бөлімінің инспекторы.