Soltüstık Казахстан
Kyzylzhar_akparat@mail.ru
Ақпан айының ортасында Петропавл қаласының 60 жастағы тұрғыны Айыртау ауданында бұрын қайтыс болған туысының үйін жинау кезінде кереуеттің астынан екі ұңғылы мылтықты тауып алған. Бұрынғы иесінің қаруға рұқсат беру құжаттары болмаған. Ер адам табылған зат туралы дереу полицияға хабарлаған.
Қару тәркіленіп, сараптамаға жіберілді. Ендігі кезекте мамандар мәліметтер базасы бойынша тексеріп, оның оқ атуға жарамдылығын анықтауы керек. Одан екі күн бұрын 21 жастағы ауыл тұрғыны ИЖ-17 мылтығын тапсыру үшін Айыртау полицейлеріне жүгінген. Екі азамат та заңға сәйкес әрекет жасағаны үшін жауапкершіліктен толық босатылды.
Тұрлыбек ЖАМАЛИДЕНОВ,
Айыртау аудандық полиция бөлімі бастығының міндетін атқарушы, полиция подполковнигі.