«Soltüstık Qazaqstan»

PDF

“Qulager” жастары жарады

Soltüstık Казахстан

 Kyzylzhar_akparat@mail.ru

Шайбалы хоккейден жастар командалары арасындағы плей-офф ойындары жалғасуда. Жергілікті “Qulager” клубы ширек финалда бесінші кездесуін өткізіп, өскемендік “Торпедодан” басым түсті.

Бұған дейін плей-офф ойындары аясында петропавлдық өрендер төрт кездесу өткізіп, екеуінде жеңіске жетіп, екеуінде жеңілістің кермек дәмін татқан болатын. Нәтижесінде ширек финалдың сериясы бесінші матчқа дейін ұзартылды.

Бұл кездесу екі команда үшін де шешуші ойын екені белгілі. Сондықтан болар, қос клубтың хоккейшілері аянып қалмады. Матч басталысымен жерлестеріміз шабуылдауға кірісті. Алайда қонақтар да оңай шағылар жаңғақ емес екендігін дәлелдеуге ты­рысты. Бірінші болып есепті құлагер­ліктер ашты. Шайба авторы – Данила Пиниди. Кейін солтүстікқазақстан­дық жастар тағы бір нәтижелі соққы жасады. Бірінші кезең 2:0 есебімен аяқталды.

Келесі кезеңде де жерлестеріміз қарсыластарын қапы қалдырып, есеп­­ті 3:0-ге дейін жеткізді. Ойынның шешуші бөлімінде өскемендік хоккей­шілер қанша тырысқанымен тара­зы басын теңестіре алмады. Деген­мен “Торпедо” клубы жалғыз шайбаны солтүстікқазақстандықтар қақпа­­­­­сына дарыта алды. Қорытынды есеп 3:1, “Qulager” – жартылай финалда.

Жартылай финалдық алғашқы ойынды жерлестеріміз наурыздың 17-сі күні “Ақтөбе” командасына қар­сы өткізеді.

Аманжол НҰРТАЗИН,

“Soltüstık Qazaqstan”.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp