Soltüstık Казахстан
Петропавлда қоғамдық көлік жолаушысы автобус жүргізушісін қылқындырып, талдырып тастады.
Оқиға куәгерлерінің айтуынша, ер адам өзі түсетін аялдамадан жаңылысып, сыртқа ортаңғы есіктен шықпақ болған. Алайда жүргізуші есікті ашпай, тек келесі аялдамада ғана тоқтаған. Бұған ашуланған жолаушы шығып бара жатып, жүргізушіні қылқындырған.
Облыстық полиция департаменті баспасөз қызметі осы оқиғаға қатысты түсінік берді. “Автобус Жәлел Қизатов көшесіндегі аялдамада тоқтап тұрған кезде ер адам жүргізушімен және басқа жолаушымен жанжалдасып, бұзақылық әрекет жасаған. Осы факті бойынша облыс орталығының 67 жастағы тұрғыны ұсталды”, – делінген хабарламада.
Бұл факті Қылмыстық кодекстің 293-бабының 1-бөлігі бойынша сотқа дейінгі тергеп-тексерулердің бірыңғай тізіліміне енгізілді. Қазір тергеу жүргізіліп, оқиғаның мән-жайы анықталып жатыр. Олардың нәтижелері бойынша түпкілікті процессуалдық шешім қабылданбақ.
Ақерке ДӘУРЕНБЕКҚЫЗЫ,
“Soltüstık Qazaqstan”.