Soltüstık Казахстан
Қазақстан Мұсылмандары діни басқармасы “Зекет және қайырымдылық” қорының бастамасымен “30 күнде – 30 үй” республикалық акциясы аясында өңіріміздегі аз қамтылған бір отбасыға пәтер кілті табыс етілді.
Қасиетті Рамазан айының құрметіне ұйымдастырылған акцияда Ғабит Мүсірепов атындағы ауданның Новоишим ауылында тұратын Амангелді Шұпановтың отбасы баспаналы болды. “Зекет және қайырымдылық қорының” облысымыз бойынша өкілі Қасымхан Абдуллаұлы демеушілердің көмегімен үш балалы отбасыға баспана кілтін салтанатты түрде табыс етті. Бұл қасиетті айда істелген игі істердің ең үлкені десек те болғандай. Аталмыш акция еліміздің барлық өңірлерінде “Ел үлесі – патерге” республикалық жобасы аясында өтіп жатыр.
Бектұрған ЛАҚАДЫЛ,
“Soltüstık Qazaqstan”.