Ізгілік нұры

Soltüstık Казахстан

 Kyzylzhar_akparat@mail.ru

Өңірімізге жұмыс сапары­мен келген Қазақстан мұ­сыл­­ман­дары діни бас­қар­ма­сы­ның тө­раға­сы, бас мүфти Нау­­рыз­бай қажы Тағанұлы бір­қа­тар мә­дени ша­раларға қа­тыс­ты. Елорда­лық мей­ман об­лыс орталы­ғында өт­кен ауыз­ашар дас­тарқанын­да жа­ма­ғатқа уа­ғыз айтып, бас­қарма тара­пынан атқа­ры­лып жатқан жұ­мыс­тар­ға тоқталды. Жиында бір­қа­тар тұр­ғынға “Ра­мазан сыйы” та­быс­тал­ды.

“Зекет және қайырымдылық” қо­рының ұйытқы болуымен “Қы­зыл­­жар” орталық мешітінің наиб имамы Мақсат Жұмажановқа қыз­меттік пә­тер берілсе, “Қолма-қол” акциясы аясында діни білім алып жатқан жиырмадан астам шәкіртке бір реттік сыйақы ретінде 1,5 млн. тең­генің сертификаты сыйға тар­тылды. Сонымен қатар Наурызбай қажы Та­ғанұлы ауыр дертке шал­дыққан Ар­ман Оспановтың еміне 1 миллион тең­генің сертификатын берді.

Ауызашар дастарқаны кезінде өңірдегі аға буын өкілдері де на­зар­дан тыс қалған жоқ. Атап айт­қан­да 40 жылға жуық ұстаздық ет­кен, ме­шіт жанашыры Қымбат Исмановаға бас мүфтидің өз атынан қажы­лыққа жол­дама беріліп, есімі өңірі­мізге белгілі еңбек арда­гері, 95 жасқа таяған Зейнолла Олжабаев ақса­қал­дың иығына шапан жауып, құр­мет көрсетілді.

Одан бөлек қайырымды істер­дің басы-қасынан табылып жүрген бір­қатар азамат бас мүфтидің Ал­ғыс хатына ие болды.

Диас АЯҒАН,

“Soltüstık Qazaqstan”.