Желшешек жұқтырғандар

Soltüstık Казахстан

 Kyzylzhar_akparat@mail.ru

Өңірімізде желшешек жұқтырудың 1078 жағ­­дайы тіркелді, бұл өт­кен жыл­мен салыстырған­да үш есе артық.

Облыстық санитарлық-эпидемиологиялық бақылау департа­мен­­тінің мәліметінше, желшешек­ жұқ­тырғандардың 90 пайызы – 14 жасқа дейінгі бала­лар. Нау­қас­тардың 61 пайызы – Петропавл қа­ласының тұрғын­дары.

Мамандардың айтуынша, жел­ше­шек ауа арқылы та­ра­лады. Жұқпалы дерт бала­ларда жеңіл өтеді. Әдетте сырқаттан­ған­дар ауруханаға жатқызыл­майды. Алай­да алғашқы белгілері пайда болған жағдайда бірден дәрігерге көрінген жөн.

“Ауру дене температурасы кө­те­рілген кезде қозады. Теріге бөрт­п­е­лер шығып, ол бірер күнде бүкіл денеге қап­тап кетеді. Тілдің түсі өзгереді. Желшешекпен ауы­ра­­тын науқастар­ды анықтау үшін ме­дицина қызмет­кер­лері амбу­лато­рия­лық қабылдау, өткізіп, ме­дициналық тексерулер жүргізеді. Мектепке дейінгі ұйым­дарда жел­шешекті жұқтырған соңғы науқас оқшауланған сәттен бастап күн­тізбелік жиырма бір күнге каран­тин белгіленеді. Ка­ран­тин енгізіл­ген ұжымдарда де­зин­фек­ция­лық жұмыстар жүргі­зіледі”, – дейді департаменттің бас маманы Ай­наш Сағындықова.

Облыста 21 балабақшаның же­келеген топтарында карантин ен­гі­зілді. Оның 19-ы – Петропавлда, қал­ған екеуі Айыртау және Та­йынша ау­дандарында орналас­қан.

Дина МҰРАТ,

“Soltüstık Qazaqstan”.